Craft-World: ue sos bisos si furriant a realidade.
Craft-World est unu mundu virtuale 3D basadu apitzus de OpenSimulator inue podes iscadenare s'immaginatzione tua. S'àvatar tuo:
• podet esplorare sas regiones de Craft-World o de unos cantu de àteros mundos virtuales basados apitzus de OpenSimulator.
• podet sotzializare, adobiare sos àteros residentes e chistionare siat cun tzarrada iscrita chi in boghe
• podet organizare fainas personales o partetzipare a fainas de grupu comente a cuntzertos, adòbios, cursos e letziones, creatzione de pignos, mustras, festas etc.
• podet tirare fotografias, realizare filmados, creare iscenàrios e rapresentatziones teatrales (machinima)
• podet tenner terra inue realizare sos progetos suos, comente a ambientes didàticos, ricostrutziones istòricas o solu sa domo virtuale sua o un'ambiente de istentu.
• podet fintzas fagher àtera cosa meda...
Chie connoschet Second Life™ no at a tenner dificultades a s'acussorgiare in unu mundu chi l'assimbillat belle in totu, comente in sa creatzione de ogetos, in su scripting, in sa manera de comunicare e in su manigiu de sas propiedades.

Intrada lìbera
S'intrada a Craft-World est gratis. Sas regiones (sim) tenent unu costu moderadu e las podes ordinare diretamente dae s'account tuo in su giassu. Bi sunt fintzas unu pagu de lotos de terra gratis e, si bi nd'at unu lìberu, l'as a poder recherrer.
Si tenes sa capatzidade de manigiare su programma OpenSimulator, as a poder ponner sas regiones tuas online a Craft pro debadas.

Iscola
In Craft-World sunt presentes regiones-iscola puru, inue podent intrare solu dotzentes, assistentes e istudiantes. Sos account anònimos de sos istudiantes minores podent intrare solu in s'ambiente amparadu de sas regiones-iscola.